Ermənistan Avropa İttifaqında qəbul edilmədi

Ermənistan Baş naziri Nikol Paşinyan son vaxtlar komanda üzvləri ilə Avropa İttifaqına (Aİ) üzvlük perspektivləri barədə danışmağı dayandırıb.

Təhlil.az xəbər verir ki, bu barədə “Joqovurd” Ermənistan hökumətindəki mənbələrə istinadla məlumat yayıb.

Nəşr qeyd edib ki, Ermənistan hökumətinin Aİ-yə üzvlük təşəbbüsü Brüsseldə həvəslə qarşılanmayıb:

“Üstəlik, bəlli olur ki, bu layihə əvvəlcədən də razılaşdırılmayıb, Avropa strukturları ilə ciddi danışıqlar aparılmayıb. Parlamentdə qəbul edilmiş sənədin cavabsız qalmasının səbəbi də məhz budur: Aİ-dən qarşılıq olaraq heç bir hazırlıq və impuls alınmayıb".