“20 Yanvar” stansiyasında körpə dünyaya gəldi

Bu gün saat 07:40 radələrində Bakı Metropoliteninin “20 Yanvar” stansiyasında bir qadın uşaq dünyaya gətirib.

Təhlil.az xəbər verir ki, bu barədə "Bakı Metropoliteni" QSC məlumat yayıb. 

Məlumatda bildirilir ki, hadisə zamanı stansiya əməkdaşları tərəfindən ona ilkin yardım göstərilib.

Çağırılmış təcili tibbi yardım briqadası stansiyaya gələrək zəruri tibbi müdaxilə edib. Qadın sağlam şəkildə övladını dünyaya gətirib.

İlkin məlumata əsasən, ana və körpənin vəziyyəti qənaətbəxş hesab olunur.

Onlar saat 08:06-da stansiyadan xəstəxanaya aparılıblar.