“Reuters”: ABŞ, Çin və Rusiya nümayəndələri nüvə silahlarına nəzarətin müzakirəsi üçün görüşdülər

“Reuters” Agentliyi ABŞ Dövlət Departamentinin yüksək vəzifəli rəsmisinə istinadən bildirib ki, fevralın 23-də Cenevrədə Rusiya və Amerika nümayəndə heyətləri arasında görüş keçirilib və bu gün Çin nümayəndə heyəti ilə potensial çoxtərəfli nüvə silahlarına nəzarət müqaviləsinin hazırlanmasını müzakirə etmək üçün görüş planlaşdırılır.

Təhlil.az nəşrə istinadla xəbər verir ki, ABŞ əvvəllər Amerika və Rusiya arasında raket və döyüş başlıqlarının yerləşdirilməsini məhdudlaşdıran müqavilənin müddəti bitdikdən sonra Çin və Rusiyanı əhatə edəcək yeni, daha geniş silahlara nəzarət müqaviləsi, yəni yeni start tələb etmişdi.