Azərbaycan BMT-Turizmin İcraiyyə Şurasına üzv seçilib

7–11 noyabrda Səudiyyə Ərəbistanının Ər-Riyad şəhərində keçirilən BMT-Turizmin İcraiyyə Şurasının 124-cü və 125-ci sessiyalarında Azərbaycanın quruma üzvlüyü təsdiqlənib.

Təhlil.az xəbər verir ki, Azərbaycan nümayəndə heyəti həmçinin Baş Assambleyanın 26-cı sessiyasında iştirak edib.

Tədbir çərçivəsində Agentliyin sədri Fuad Nağıyev Braziliyanın turizm rəsmisi Ana Karla Maçado Lopes ilə görüşüb və turizm sahəsində əməkdaşlıq üzrə Anlaşma Memorandumu imzalanıb.

Nağıyev həmçinin BƏƏ-nin iqtisadiyyat və turizm naziri Abdulla bin Touq Al Marri ilə ikitərəfli əlaqələri müzakirə edib.

Qeyd edək ki, sessiyada təşkilatın yeni baş katibi Şaixa Əl Novais təsdiqlənib.