ŞOK: Məzahir Pənahovun oğlu Məhəmməd arvadını az qala öldürürmüş
Haqqin.az: Məişət zorakılığı qurbanının şoka salan hekayəsi
Haqqin.az redaksiyasına məişət zorakılığına məruz qalmış bir qadın müraciət edib. Zorakılığı törədən şəxs Mərkəzi Seçki Komissiyasının sədri Məzahir Pənahovun oğlu Məhəmməd Pənahovdur. Bu hekayənin ən paradoksal tərəfi odur ki, zorakılıq ABŞ ərazisində baş verib və qadın həyatını xilas etmək üçün Azərbaycana qaçıb.
H.P.-nin yaşadığı kabus
Təhlil.az xəbər verir ki, 38 yaşlı H.P. 2022-ci il iyunun 28-də Bakıda Məhəmməd Pənahovla evlənib. Daha sonra cütlük ABŞ-ın Los-Anceles şəhərinə köçüb. Heç yerdə işləməyən Pənahov bu vaxta qədər Los-Ancelesin prestijli "Bel-Air" məhəlləsində, Hollivud ulduzlarının qonşuluğunda 2.035.400 dollara dəbdəbəli villa almışdı (haqqin.az redaksiyası Məhəmməd və Ülkər Pənahovların adına qeydiyyatdan keçmiş "Alphaand Export FZ-LLC" şirkəti və bu evin alınması barədə ətraflı məlumatlara malikdir). Ata gənc cütlük üçün bütün şəraiti yaradıb, onlara yalnız xoşbəxt yaşamaq qalıb. Cütlük maliyyə çətinliyi də çəkməyib: onlar Britaniyanın "Halifax", "Natwest", Dubay və ABŞ banklarındakı hesablarından Kaliforniyada milyonlarla dollar xərcləyiblər. Varlı ata övladlarının rahat yaşaması üçün hesabları daim doldurub (redaksiya Pənahovlar ailəsinin bank hesabları barədə ətraflı məlumatlara malikdir).
Dəhşətli zorakılıq və itirilmiş uşaq
Cütlüyün şirin həyatı Məhəmməd Pənahovun zərərli vərdişlərə, xüsusilə alkoqol asılılığına qayıtması ilə kabusa çevrilib. Məsələn, Pənahov bir dəfəyə 26 butulka pivə içə bilirdi. Sonra isə hamilə həyat yoldaşını boş butulkalarla vururdu. Hallüsinasiyalar və sərxoşluq aqressiyaya səbəb olur, Pənahov qan və zorakılıq istəyirdi. Belə hücumlardan birində H.P. uşağını itirib... Kədərdən məhv olan qadın 17 aylıq evlilikdən sonra Kaliforniya villasından qaçmağa qərar verib. H.P.-nin valideynləri və yaxınları ona dəfələrlə Kaliforniya polisinə müraciət etməyi məsləhət görüblər, lakin o, Bakıya qaçaraq xilas olmağı seçib.
Bakıda davam edən təhdidlər
H.P. Bakıdakı sadə mənzilində rahatlıq və təhlükəsizlik tapacağını düşünürdü. Lakin Pənahov ona təhdidlər yağdırmağa, gündəlik zənglər edərək həyatına son qoyacağını vəd etməyə davam edib. H.P. boşanmaq üçün Binəqədi məhkəməsinə müraciət edib. Ancaq bir ildən çoxdur ki, məişət zorakılığı qurbanı olan və uşağını itirən qadın nə boşana bilir, nə də sakit həyat sürə bilir. Pənahov təkcə həyat yoldaşına deyil, həm də onun vəkili, Azərbaycan Vəkillər Kollegiyasının üzvü Esmira Hüseynovaya təhdidlər yağdıraraq boşanma prosesini dayandırmağı tələb edir. Pənahovlar H.P.-nin ABŞ-a qayıtmasını, dəbdəbəli həyat müqabilində ağrı, zorakılıq və təhqirlərə dözməsini istəyirlər.
H.P.-nin çarə axtarışı
H.P. bu vəziyyətə dözmək istəmir və Azərbaycanın dövlət qurumlarından kömək diləyir. O, Azərbaycan Daxili İşlər Nazirliyinə, Ombudsmana və məişət zorakılığı qurbanı qadınlar üçün sığınacağa müraciət edib.
Haqqin.az-ın təşəbbüsü
Haqqin.az redaksiyası H.P.-nin məişət zorakılığından qorunması üçün sığınacağa yerləşdirilməsi təşəbbüsü ilə çıxış edir. Redaksiya H.P.-nin işini nəzarətə götürərək onun hüquqlarının qorunması və təhlükəsizliyinin təmin edilməsi üçün səy göstərəcək.
SORĞU
Çimərliklər
Azərbaycanda ən çox hansı çimərliyə gedirsiniz?
