Uitkoff: "Putin Ukraynadakı müharibəni bitirmək istədiyini bildirib"

Rusiya orezidenti Vladimir Putin “müharibəyə son vermək istədiyini açıq şəkildə ifadə edib. Təhlil.az xəbər verir ki, bunu ABŞ prezidenti Donald Trampın xüsusi nümayəndəsi Stiven Uitkoff Fox News-a açıqlamasında bildirib.

Onun sözlərinə görə, Rusiya tərəfinin masa üzərində təqdim etdiyi sülh təklifi hazırda Kiyev tərəfindən nəzərdən keçirilir.

Uitkoff qeyd edib ki, Putin dialoqa “xoş niyyətli cəhdlər” göstərib, o cümlədən Alyaskadakı sammitdə, lakin münaqişə hələ də çox mürəkkəbdir.

O əlavə edib ki, Tramp həm Moskvanın, həm də Kiyevin mövqelərindən “qismən məyusdur”, amma tərəfləri yaxınlaşdırmaq üçün ciddi səylər göstərib.

“Ruslar sülh təklifi irəli sürüblər. Ola bilər ki, bu təklif ukraynalılar üçün də qəbul edilən məqamları əhatə edir”, – deyə, Uitkoff vurğulayıb.