ABŞ və Qazaxıstan prezidentləri Çinə səfərlər edəcəklər

ABŞ Prezidenti Donald Tramp jurnalistlərə açıqlamasında bildirib ki, yaxın vaxtlarda Çin Xalq Respublikasının Sədri Si Cinpinlə görüşmək üçün Çinə səfər edə bilər. Təhlil.az xəbər verir ki, onun sözlərinə görə, Si Cinpin artıq rəsmi dəvət göndərib və bu səfərin bu il və ya yaxın dövrdə baş tutması mümkündür.

Qazaxıstan Prezidenti Kasım-Jomart Tokayev isə 30 avqust – 3 sentyabr tarixlərində Si Cinpinin dəvəti ilə Çinə rəsmi səfər edəcək. Səfər çərçivəsində ali səviyyəli danışıqların keçirilməsi, Qazaxıstan–Çin strateji tərəfdaşlığının gücləndirilməsi istiqamətində müzakirələr aparılması planlaşdırılır.

Tokayev, həmçinin 31 avqust – 1 sentyabrda Tyantszində Şanxay Əməkdaşlıq Təşkilatının sammitində və “ŞƏT plus” iclasında iştirak edəcək, sentyabrın 2-də isə Pekində “Qazaxıstan–Çin” İşgüzar Şurasında çıxış edərək böyük Çin şirkətlərinin rəhbərləri ilə görüşlər keçirəcək.