Almaniya XİN başçısı: “Ukraynanın NATO üzvlüyünə yaxın təminatlara ehtiyacı var”

Müharibəyə son qoymaq üçün mümkün razılaşma Ukraynanın zərərinə “diktator sülhü”nə çevrilməməlidir.

Təhlil.az xəbər verir ki, bu barədə Almaniyanın xarici işlər naziri Yohan Vadeful bildirib. Almaniya hökuməti üçün açıq qapı günündə çıxış edən nazir deyib ki, Ukrayna üçün gələcək təhlükəsizlik zəmanətləri NATO üzvlüyünə çox yaxın olmalıdır.

“Biz mümkün qədər çox dövlətdən heç olmasa Ukraynanın qalan hissəsinin təhlükəsiz olacağına dair real təhlükəsizlik zəmanəti almadıqca, Ukraynadan ərazi güzəştlərini ciddi şəkildə nəzərdən keçirməsini xahiş edə bilmərik”, - deyə o, əlavə edib.

Vadeful məhz bu cür təhlükəsizlik təminatlarında israr etməyin son nəticədə Putinin razılaşmasına səbəb olacağına ümid etdiyini bildirib.