Avstraliyalı alimlər dünyada ilk canlı insan dərisi nümunəsi hazırlayıblar

Şəkil: abc.net.au/news

Avstraliyanın Kvinslend Universitetinin Fraser İnstitutunun alimləri dünyada bir ilkə imza ataraq, laboratoriya şəraitində insan dərisi hazırlayıblar. Təhlil.az xəbər verir ki, onlar bu yeni kəşfdən nadir genetik xəstəliklərin tədqiqində istifadə etməyi planlaşdırırlar.

İnstitutun direktoru Kyaraş Xosrotehrani bildirib ki, bu üsulla nadir xəstəliklərin effektiv müalicəsinə nail olmaq artıq asanlaşacaq. Tədqiqatçıların qan damarlarını, kapilyarları, saç follikullarını, toxuma təbəqələrini və immun hüceyrələrini ehtiva edən insan dərisinin nüsxəsini yaratmaq üçün kök hüceyrələrdən istifadə etdikləri vurğulanır. Bu komponentlərin olması alimlərin fikrincə, laboratoriya şəraitində xəstəlikləri modelləşdirməyə və onlarla mübarizə aparmaq üçün yeni dərmanlar hazırlamağa imkan verəcək.

Bundan əlavə, yeni nümunə yanıqlar və ya bəzi əməliyyatlar üçün vacib olan dəri transplantlarını yaxşılaşdırmağa kömək edəcək. Qeyd olunur ki, orqanoidlər alimlər tərəfindən altı il ərzində hazırlanıb.