ABŞ Avropanı Kiyev üçün təminatlarda aparıcı rol oynamağa çağırır

ABŞ dövlət katibi Marko Rubio Avropa rəsmilərinə deyib ki, Avropa münaqişə bitdikdən sonra Ukraynaya təhlükəsizlik zəmanətlərinin verilməsində aparıcı rol oynamalıdır.

Təhlil.az xəbər verir ki, bu barədə adı açıqlanmayan avropalı diplomata istinadən CNN telekanalı məlumat yayıb.

Məlumata görə, Dövlət Departamentinin rəhbəri cümə axşamı Avropa milli təhlükəsizlik müşavirləri ilə telefon danışığı zamanı Ağ Evin bu mövqeyini bildirib. Rubio həmçinin qeyd edib ki, Vaşinqton Ukrayna üçün təhlükəsizlik zəmanətlərinin verilməsində iştirak etməyə hazırdır, lakin ABŞ-nin bu istiqamətdə hansı addımlar ata biləcəyini dəqiqləşdirməyib. ABŞ-nin məhdud iştirakı amerikalı pilotların Ukrayna üzərində kəşfiyyat uçuşları həyata keçirməsi deməkdir. ABŞ administrasiyası bu məqsədlər üçün dronlardan istifadə variantını da müzakirə edir.