Nəqliyyat üzrə üçtərəfli görüş formatı müzakirə olunacaq

Azərbaycan, Rusiya və Ermənistan arasında nəqliyyat üzrə üçtərəfli görüşün formatı müzakirə olunacaq.

Təhlil.az xəbər verir ki, bunu Rusiya Baş nazirinin müavini Aleksey Overçuk bildirib. Onun sözlərinə görə, əgər söhbət dəmir yollarının bərpası və regionda nəqliyyat əlaqələrinin yaxşılaşdırılmasından gedirsə, bu mövzuda üçtərəfli danışıqlar daha uyğundur.

Overçuk gələn həftə Ermənistana səfər edəcəyini və Rusiyada Azərbaycan nümayəndə heyəti ilə danışıqlar aparacağını deyib. O, yaxın vaxtlarda Nikol Paşinyanın Rusiyaya səfərinin gözlənildiyini də qeyd edib.

Baş nazirin müavini “Tramp marşrutu”nun yaradılması məsələsində Rusiyanın Ermənistanı dəstəklədiyini vurğulayıb.