14 avqust

Alyaskada keçiriləcək Putin–Tramp görüşünün detalları açıqlandı

Avqustun 15-də Alyaskada yerli vaxtla saat 11:30-da (Bakı vaxtı ilə 22:30) başlayacaq Putin-Tramp görüşü əvvəlcə təkbətək formatda, yalnız tərcüməçilərin iştirakı ilə keçiriləcək. Təhlil.az Kremlin açıqlamasına istinadla xəbər verir ki, daha sonra danışıqlar geniş tərkibdə, iki ölkənin nümayəndə heyətləri ilə davam edəcək.

Putinin köməkçisi Yuri Uşakovun sözlərinə görə, əsas mövzu Ukrayna böhranının həlli olacaq. Bu müzakirələr avqustun6-da Kremldə ABŞ Prezidentinin xüsusi nümayəndəsi Stiv Uitkofla aparılan söhbətlərin davamı kimi nəzərdə tutulur.

Rusiya nümayəndə heyəti:

Sergey Lavrov — XİN rəhbəri
Anton Siluanov — Maliyyə naziri
Andrey Belousov — Müdafiə naziri
Kiril Dmitriyev — RDIF (Rusiya Birbaşa İnvestisiya Fondu) rəhbəri və Prezidentin investisiya əməkdaşlığı üzrə xüsusi nümayəndəsi
Yuri Uşakov — Prezidentin köməkçisi

ABŞ nümayəndə heyətinin tərkibi hələ açıqlanmayıb.

Görüşün müddəti əvvəlcədən müəyyən edilməyib — bu, prezidentlərin qərarından asılı olacaq. Gündəlikdə həmçinin iqtisadi əməkdaşlıq və qlobal təhlükəsizlik məsələləri var. Görüşün əvvəlində tərəflər qısa çıxış edəcək, yekunda isə birgə mətbuat konfransı keçirəcəklər.

SORĞU

Vaşinqton görüşünün nəticələri

Azərbaycan və Ermənistan arasında gələcəkdə iqtisadi və mədəni əlaqələrin inkişafına necə yanaşırsınız?