14 avqust

İsraildə rekord istilik qeydə alınıb

Gün ərzində İsrailin bəzi yerlərində rekord yüksək temperatur qeydə alınıb. Təhlil.az xəbər verir ki, bir neçə gündür bütün ölkə ərazisində həddindən artıq istilər müşahidə olunur.

İsrail Meteorologiya Xidmətinin verdiyi məlumata görə, ölkənin şimalındakı Safed şəhərində sutka ərzində termometr 41,3 dərəcəyə qalxıb ki, bu da bu şəhərdə 1939-cu ildən aparılan meteoroloji müşahidələr tarixində rekord göstərici olub. Əvvəlki rekord 40,6 dərəcə idi.

Livanla sərhəddə yerləşən Eylonda hava 42,7 dərəcəyə qədər isinib ki, bu da tarixi maksimum olub. Orada əvvəlki rekord 40 dərəcə idi.

Ölkənin şimal bölgəsində daha bir rekord 46,8 dərəcə istinin qeydə alındığı Ayelet Ha-Şəhər kəndində qeydə alınıb.

Çərşənbə günü İsraildə ən isti nöqtə İordaniya Vadisi olub. Bütün ölkə üzrə ən yüksək temperatur Qalqal kəndində qeydə alınıb. Burada hava 49,7 dərəcəyə qədər qızıb və bu, bütün İordaniya Vadisi üçün yeni tarixi rekorda çevrilib. Orada əvvəlki maksimum 49,3 dərəcə idi.

Ölkənin cənubunda da ekstremal temperatur qeydə alınıb. Qırmızı dənizdə yerləşən Eylat şəhərində termometr 48,8 dərəcəni göstərib. Meteorologiya xidmətinin qeyd etdiyi kimi, tarixi rekordu təkrarlamaq üçün dərəcənin onda biri çatışmır.

SORĞU

Vaşinqton görüşünün nəticələri

Azərbaycan və Ermənistan arasında gələcəkdə iqtisadi və mədəni əlaqələrin inkişafına necə yanaşırsınız?