Zelenski Merzlə birlikdə Berlindən Trampla danışacaq

Vladimir Zelenskinin bu gün Berlinə gedəcəyi gözlənilir. Təhlil.az xəbər verir ki, “Bild”in məlumatına görə, Zelenski Berlindən ABŞ prezidenti Donald Trampın Alyaskada Vladimir Putinlə görüşdən əvvəl Avropa liderləri ilə keçirəcəyi videokonfransda iştirak edəcək.

"Zelenski Almaniya kansleri Fridrix Merzlə birlikdə danışıq aparacaq”, - nəşrin məlumatında deyilir.

Ukrayna prezidentinin ofisi daha sonra jurnalistlərə Zelenskinin çərşənbə günü Berlinə səfər edəcəyini təsdiqləyib.

"Federal kansler Merz ilə ikitərəfli görüş olacaq, sonra onlar Avropa liderləri, NATO-nun baş katibi Rutte və ABŞ prezidenti Trampla videokonfransda iştirak edəcəklər", - Zelenskinin mətbuat katibi Serhiy Nikiforov jurnalistlərə bildirib.

Merz ilə ikitərəfli görüş və müəyyən edilmiş koalisiyanın onlayn görüşü də planlaşdırılır.