Hindistanın baş naziri Trampla sentyabrda ABŞ-də görüşməyi planlaşdırır

Hindistanın baş naziri Narendra Modi sentyabrda BMT Baş Assambleyasında iştirak etmək və ABŞ prezidenti Donald Trampla ikitərəfli danışıqlar aparmaq üçün Birləşmiş Ştatlara səfər etməyi planlaşdırır. Təhlil.az xəbər verir ki, bu barədə məlumatlı mənbələrə istinadən “The Indian Express” məlumat yayıb.

Məlumata görə, Modinin ABŞ-yə səfərinin rəsmi səbəbi Nyu-Yorkda keçiriləcək BMT Baş Assambleyasında iştirak etmək olsa da, əsas məqsəd ABŞ prezidenti ilə görüşmək, ticarət məsələlərini həll etmək və tariflərlə bağlı ortaq mövqeyə gəlmək olacaq.

Mənbələrin məlumatına görə, Modinin ABŞ-yə səfəri sentyabrın son həftəsinə planlaşdırılıb. Artıq buna hazırlıq gedir - akkreditasiya prosesi və səfərin özünün təşkili avqustda başa çatmalıdır.