Rusiya və Belarus sentyabrda birgə hərbi təlim keçirəcək

Belarus Müdafiə Nazirliyinin məlumatına görə, 12–16 sentyabr tarixlərində Belarus ərazisində Rusiya və Belarus orduları birgə hərbi təlimlər keçirəcək.

Təhlil.az xəbər verir ki, təlimlərin məqsədi iki ölkənin silahlı qüvvələrinin döyüş qabiliyyətini yoxlamaq və ehtimal olunan təcavüzün qarşısını almaqdır.

Xatırladaq ki, daha əvvəl Ukrayna Prezidenti Volodimir Zelenski yay aylarında Rusiyanın Belarusda hərbi təlim adı altında başqa planlar güdə biləcəyini iddia etmişdi.