Qrem: “Putinlə görüşü uğursuz olarsa, Tramp sanksiyalardan geri çəkilməyəcək”

Ukrayna münaqişəsini həll etmək üçün Rusiya neftinin istehlakçılarını ikinci dərəcəli sanksiyalarla hədələməyə davam etmək lazımdır. 

Təhlil.az xəbər verir ki, bunu ABŞ-nin respublikaçı senatoru Lindsi Qrem deyib.

Onun sözlərinə görə, Vladimir Putin Rusiyanın tərəfdaşlarının sanksiyalara məruz qalması faktı ilə barışa bilmir:

"O, sanksiyalara əhəmiyyət vermir. Putin sanksiyalardan yayınır. Rusiya liderinin qəbul edə bilmədiyi yeganə şey bizim onun müştərilərini izləməyimizdir".

Qrem qeyd edib ki, ABŞ-nin məqsədi "Rusiyanın müştərilərini - Hindistan, Çin və Braziliyanı əzməkdir".

"Rusiya neftini almağa davam edən və “hərbi maşınına dəstək verən” ölkələrin Amerika iqtisadiyyatına girişi məhdudlaşdırılacaq", - deyə, o əlavə edib.