Günəşdə güclü partlayış olub

Günəşdə sondan əvvəlki güc sinfinə (M) aid partlayış olub. Təhlil.az xəbər verir ki, bu barədə Rusiya Tətbiqi Geofizika İnstitutu məlumat yayıb.

"Avqustun 7-də Moskva vaxtı ilə saat 05:32-də (Bakı vaxtı ilə 06:32-də - red.) rentgen diapazonunda 4168 (N04W29) günəş ləkələri qrupunda 25 dəqiqə davam edən M2.2 partlayışı qeydə alınıb", - deyə məlumatda bildirilir.

Ümumilikdə avqust ayında bu gücdə yeddi partlayış qeydə alınıb. Günəşdə partlayışlar rentgen şüalanmasının gücündən asılı olaraq beş sinfə bölünür: A, B, C, M və X. Minimum A0.0 sinfi Yerin orbitində 1 kv.m-ə 10 nVt şüalanma gücünə uyğundur. Növbəti hərfə keçərkən güc 10 dəfə artır.

Partlayışlar, adətən, Günəş plazmasının emissiyaları ilə müşayiət olunur ki, onların buludları Yerə çataraq maqnit qasırğaları yaradır.