Aİ komissarı: Aİ orduları NATO tələblərinin yalnız 50%-nə cavab verir

Avropa ölkələrinin orduları NATO-nun irəli sürdüyü tələblərin yalnız 50%-nə cavab verir.

Təhlil.az xəbər verir ki, bunu müdafiə üzrə Avropa komissarı Andrius Kubilius deyib. Onun sözlərinə görə, Avropa orduları "NATO-nun məqsədlərinə uyğun olanların yalnız 50%-nə malikdir". Avropa Komissiyası hərbi xərcləri artırmaq üçün planlar hazırlayır və həmçinin Aİ ölkələrini silah alışı üçün 150 milyard avroluq kredit xətti nəzərdə tutan SAFE planı çərçivəsində kreditlərdən aktiv istifadə etməyə təşviq edir.

Avropanın müdafiə üzrə komissarı həmçinin bildirib ki, payızda Aİ Böyük Britaniya, Norveç və Ukraynanın qoşulacağı Avropa Müdafiə İttifaqı layihəsini həyata keçirməyə başlamağı planlaşdırır. O, daha sonra iştirakçı ölkələrin liderlərinə 2030-cu ilə qədər döyüş hazırlığını artırmaq üçün hansı addımları atmalı olduqları barədə məlumat verəcəyini bildirib.