Netanyahu açıqladı: "Atəşkəs Livanı əhatə etmir, İsrail şərt qoydu"

ABŞ Prezidenti Donald Trampın atəşkəs elanından dörd saat sonra İsrail Baş nazir Benjamin Netanyahunun ofisi ABŞ ilə İran arasında atəşkəsi alqışlayan bəyanat yayıb.

Təhlil.az xəbər verir ki, Netanyahu razılaşmanı təqdir etməsinə rəğmən, onun Livanı əhatə etmədiyini diqqətə çatdırıb.

“İki həftəlik atəşkəs Livanı əhatə etmir,” – deyə baş nazirin ofisi əlavə edib.

Bəyanatda qeyd olunur ki, İsrail həmçinin ABŞ-nin İranın artıq Amerikaya, İsrailə, İranın ərəb qonşularına və dünyaya nüvə, raket və terror təhdidi yaratmamasını təmin etməyə yönəlmiş səylərini dəstəkləyir.

“İsrail Prezident Trampın İrana qarşı zərbələri iki həftə müddətinə dayandırmaq qərarını dəstəkləyir; bu qərar İranın dərhal boğazları açması və ABŞ, İsrail və region ölkələrinə qarşı bütün hücumları dayandırması şərtinə bağlıdır,” – deyə Baş nazirin ofisinin bəyanatında bildirilir.