Pekin ABŞ-nin Venesuelaya təzyiqinə qarşı çıxdı

ABŞ-nin Venesuelaya artan təzyiqi fonunda Çin xarici işlər naziri venesuelalı həmkarı ilə söhbətində Pekinin "birtərəfli zorakılığa" qarşı olduğunu və ölkələrin suverenliyini müdafiə etmələrini dəstəklədiyini vurğulayıb.

Təhlil.az xəbər verir ki, bu, iki ölkənin xarici işlər nazirləri Vanq Yi və Gil arasında telefon danışığından sonra Çin Xarici İşlər Nazirliyi tərəfindən elan edilib.

Xüsusilə, Vanq Yi ölkələrə qarşı hər hansı bir təhdid və ya birtərəfli təzyiq formasını rədd edib və bütün hökumətlərin öz milli ləyaqətlərini və siyasi müstəqilliklərini müdafiə etmək hüququna malik olduğunu bildirib. Vanq Yi Karakası Pekinin strateji tərəfdaşı adlandırıb və iki ölkə arasında uzun müddətdir davam edən qarşılıqlı etimad və dəstəyi qeyd edib.