Peskov: Putinin Türkiyəyə səfəri mümkün olduqda baş tutacaq

Rusiya prezidenti Vladimir Putinin Türkiyəyə səfəri mümkün olduqda baş tutacaq, lakin iki lider "ünsiyyət çatışmazlığından əziyyət çəkmirlər".

Təhlil. az xəbər verir ki, Rusiya prezidentinin mətbuat katibi Dmitri Peskov bu barədə jurnalistlərə bildirib.

"Əlbəttə ki, mümkün olduqda bu cür səfərlər dərhal təşkil olunacaq. Nə Putin, nə də Rəcəb Tayyib Ərdoğan ünsiyyət çatışmazlığından əziyyət çəkmirlər. Onlar daim və məzmunca ünsiyyət qururlar, ona görə də belə bir problem yoxdur", - deyə Kremlin sözçüsü bildirib. O qeyd edib ki, Rusiya və Türkiyə prezidentlərinin müvafiq olaraq Türkiyəyə və Rusiyaya səfər etmək üçün qarşılıqlı dəvətləri var. "Ərdoğanın Rusiyaya, Putinin isə Türkiyəyə daimi dəvəti var", - deyə Kremlin sözçüsü bildirib.