İsraildə Akko avtovağzalında hərbçilərə qarşı terror planı zərərsizləşdirildi

İsrail təhlükəsizlik qüvvələri Akko avtovağzalında hərbçilərə qarşı planlaşdırılan terror aktının qarşısını alıblar.

Təhlil.az xəbər verir ki, 18 yaşlı Akko sakini İssa Madi ŞABAK (İsrail daxili təhlükəsizlik xidməti) və polis tərəfindən keçirilən birgə əməliyyatla saxlanılıb. İstintaq zamanı müəyyən edilib ki, o, İŞİD ideologiyasını mənimsəyib, təşkilatın xaricdəki üzvləri ilə əlaqə saxlayıb və partlayıcı maddələr hazırlamaqla məşğul olub. Gəncin məqsədinin dəmiryolu vağzalında partlayış törətmək və hərbçilərə zərbə endirmək olduğu göstərilir.

Əməliyyatın detalları və saxlanılan şəxslə bağlı istintaq davam edir; əlavə açıqlama verilməyib. Təhlükəsizlik orqanları hadisənin törədilməsinin qarşısını almaq üçün həyata keçirilən əməkdaşlığı vurğulayıb.