Rusiya Zaporojyeyə 700-ə yaxın zərbə endirdi

Rusiya qüvvələri son sutka ərzində Ukraynanın Zaporojye vilayətində yerləşən 17 yaşayış məntəqəsini intensiv atəşə tutub.

Təhlil.az xəbər verir ki, Zaporojye Vilayəti Hərbi Administrasiyasının sədri İvan Fedorovun verdiyi məlumata görə, ümumilikdə 700-ə yaxın atəş açılıb. Nəticədə 49 nəfər xəsarət alıb.

Onun sözlərinə görə, hücumlar zamanı 396 mənzil, müxtəlif texnika və infrastruktur obyektləri zədələnib.

Hazırda dağıntıların aradan qaldırılması və zərərçəkənlərə yardım göstərilməsi istiqamətində işlər aparılır.