Tramp “Antifa” hərəkatını terror təşkilatı elan etdi

ABŞ Prezidenti Donald Tramp müvafiq fərmanı imzalayıb.

Təhlil.az xəbər verir ki, Ağ Evin rəsmi saytında dərc olunan sənəddə qeyd olunub ki, “Antifa” hərbi-silahlanmış anarxist qrup kimi fəaliyyət göstərir, açıq şəkildə ABŞ hökumətinin devrilməsinə çağırır və siyasi məqsədlərə çatmaq üçün zorakılıqdan istifadə edir. Hərəkat həmçinin kütləvi iğtişaşların təşkilində, hüquq-mühafizə orqanlarına hücumlarda, siyasi rəqiblərin təqibində və gənclərin cəlbində ittiham olunur.

Fərmana əsasən, ABŞ-nin bütün federal qurumları təşkilatın fəaliyyətinin araşdırılması və qarşısının alınması üçün səlahiyyətlərindən istifadə etməli, həmçinin onu maliyyələşdirən şəxslərin məsuliyyətə cəlb olunmasını təmin etməlidirlər.