Tramp ərəb və müsəlman liderlərlə Qəzzanı müzakirə edəcək

Sentyabrın 23-də Nyu-York vaxtı ilə saat 14:30-da BMT Baş Assambleyası çərçivəsində ABŞ prezidenti Tramp bir qrup ərəb və müsəlman liderlə görüşərək Qəzzada müharibəyə son qoymağın yollarını müzakirə edəcək. Təhlil.az xəbər verir ki, ərəb rəsmilərinin məlumatına görə, tədbirdə Səudiyyə Ərəbistanı, BƏƏ, Qətər, Misir, İordaniya və Türkiyə liderləri iştirak edəcək. Ağ Ev dəvət olunmuş ölkələrdən Qəzzanın müharibədən sonrakı rekonstruksiya planında, o cümlədən İsrail ordusunu əvəz edəcək sabitləşdirmə qüvvələrinə qoşunların yerləşdirilməsində iştirak etməyi gözləyir.