“Windows 10” dövrü bitir: Son yeniləmə oktyabrda təqdim olunacaq

“Windows 10” istifadəçiləri üçün yeni mərhələ başlayır.

Təhlil.az xəbər verir ki, şirkətin açıqlamasına əsasən, əməliyyat sisteminin “22H2” versiyasına aid bütün buraxılışların – Home, Pro, Enterprise, Education və IoT Enterprise – xidmət müddəti sona çatır.

Oktyabr ayında təqdim ediləcək aylıq yeniləmə bu versiyalar üçün sonuncu olacaq. Bununla da həmin tarixdən sonra “Windows 10” istifadəçiləri aylıq təhlükəsizlik yeniləmələrindən məhrum qalacaqlar.

Bu, Microsoft-un əməliyyat sistemini tamamilə “tarixi yaddaşa” göndərməsi və istifadəçiləri “Windows 11” və daha yeni versiyalara keçməyə təşviq etməsi kimi qiymətləndirilir.