Moskva Bakı və İrəvandan “3+3” formatında görüş üçün praktiki addımlar gözləyir

Rusiya Azərbaycan və Ermənistandan “3+3” formatında növbəti görüşün keçirilməsi üçün praktiki addımlar gözləyir. Təhlil.az xəbər verir ki, bu barədə Rusiyanın Xarici İşlər Nazirliyinin rəsmi nümayəndəsi Mariya Zaxarova bildirib.

“Biz azərbaycanlı və erməni həmkarlarımızdan ‘3+3’ platforması ölkələrinin xarici işlər nazirlərinin növbəti görüşünün yeri və vaxtının tezliklə razılaşdırılması istiqamətində praktiki addımlar atmalarını gözləyirik”, – Zaxarova deyib.