Avtomobillərdə artan yanğınlar: sürücülərə xəbərdarlıq!

Fövqəladə Hallar Nazirliyi (FHN) avtomobillərdə baş verən yanğınların artması ilə bağlı sürücülərə ciddi xəbərdarlıq edib və təhlükəsizlik qaydalarına əməl etməyə çağırıb.

Təhlil.az saytı xəbər verir ki, nazirliyin açıqlamasına görə, 2025-ci ilin ilk üç ayında “112” qaynar xəttinə avtonəqliyyat vasitələrində baş verən yanğınlarla bağlı 108 müraciət daxil olub. Yanğınların vaxtında söndürülməsi yanğınsöndürənlərin operativ müdaxiləsi sayəsində mümkün olub və böyük fəsadların qarşısı alınıb.

Yanğınların əsas səbəbləri:

Elektrik sistemindəki nasazlıqlar

Yanacaq sızmaları

Avtomobil hissələrinin yüksək temperaturu

Avtomobildə siqaret çəkmək

FHN sürücülərə bu tövsiyələri verir:

Avtomobilin texniki vəziyyətinə daima nəzarət edin

Qüsurlu naqilləri vaxtında dəyişin

İstehsalçı tələblərinə zidd dəyişikliklər etməyin

Avtomobil salonunda siqaret çəkməyin

Odsöndürən balon hər avtomobildə olmalı və işlək vəziyyətdə saxlanılmalıdır

Yanğın əlamətləri hiss olunarsa:

Avtomobili dərhal saxlayın və mühərriki söndürün

“112” ilə əlaqə saxlayın

Yanğın kiçikdirsə, odsöndürücü vasitələrlə müdaxilə edin

Əgər yanğın güclüdürsə, təhlükəsiz məsafəyə uzaqlaşın

Unutmayın: Qaydalara biganəlik həyatınızı riskə atır! Təhlükə zamanı dərhal 112-yə zəng edin!