Təbiətə vurulan ziyan 207 min manatı keçdi

Baş Prokurorluqda ölkənin bir neçə bölgəsində baş vermiş qanunsuz ağac kəsmələri ilə bağlı cinayət işləri başlanıb.

Təhlil.az xəbər verir ki, bu barədə  Baş Prokurorluğun Cinayət təqibindən kənar icraatlar idarəsindən məlumat verilib.

 Araşdırmalar harada aparılıb?

Araşdırmalar aşağıdakı ünvan və ərazilərdə baş tutub:

Bakı – Binəqədi rayonu, Azadlıq prospekti 191; Yasamal rayonu, A.M.Şərifzadə küçəsi 241

Xızı – H.Əliyev prospekti 194

Lerik – Honiyon adlanan ərazi

Cəlilabad – Ələt-Astara magistralının 143-144-cü km hissəsi

 Nəticələr nələrdir?

Təbiətə ümumilikdə 207 min manatdan çox ziyan vurulub. Belə ki, qeyd olunan ərazilərdə 413 ədəd ağac və kol qanunsuz şəkildə kəsilib.

 Cinayət işləri hansı maddələrlə açılıb?

Faktlarla bağlı Azərbaycan Respublikası Cinayət Məcəlləsinin:

259.1 – Ağacların, kolların qanunsuz kəsilməsi

259.2.4 – Külli miqdarda ziyan vurmaqla yaşıllıqların götürülməsi

maddələri üzrə cinayət işləri başlanıb.

İbtidai istintaq aparılması üçün işlər artıq müvafiq daxili işlər və prokurorluq orqanlarına göndərilib.