1,6 milyardlıq profisit və 1 milyardlıq addım

2025-ci ilin ilk 3 ayı ərzində Azərbaycanın dövlət büdcəsində 1,6 milyard manatlıq artıqlıq (profisit) yaranıb.

Təhlil.az xəbər verir ki, bu o deməkdir ki, dövlətin gəlirləri xərclərindən çox olub. Bu, ölkədə maliyyənin düzgün idarə olunduğunu göstərir.
Bu uğurlu nəticələrin fonunda Maliyyə Nazirliyi ilk dəfə olaraq 1 milyard manatı yerli banklara 3 aylıq depozit kimi yerləşdirib. Məqsəd – həm dövlətə əlavə gəlir qazandırmaq, həm də banklara dəstək olmaqdır.
Bu vəsaitlər banklara daha ucuz kredit vermək imkanı yarada bilər. Hazırda əmanət faizləri 7-9% arası dəyişir. Kreditlər isə ən aşağı 9,5% ilə verilir. Dövlətin bu addımı bank faizlərinin bir qədər enməsinə səbəb ola bilər.
Hələlik nəticələr gözlənilir, amma bu yeni maliyyə üsulu uğurlu olarsa, gələcəkdə də tətbiq edilə bilər.