ABŞ və Çin iyunun 10-da Londonda ticarət danışıqlarını davam etdirir

ABŞ və Çin nümayəndə heyətləri iyunun 10-da Böyük Britaniyanın paytaxtında ticarət danışıqlarını davam etdirir.
Təhlil.az xəbər verir ki, iyunun 9-da keçirilən müzakirələr altı saatdan çox çəkib və iyunun 10-da yerli vaxtla saat 10:00-da davam etdirilib.
ABŞ-nin maliyyə naziri Skot Bessent iyunun 9-da keçirilən iclası “yaxşı” adlandırıb, ticarət naziri Hovard Latnik isə müzakirələrin “məhsuldar” olduğunu bildirib.
Bessent və Latnikdən əlavə, Ceymison Qri də ABŞ-nin ticarət üzrə danışıqlarında iştirak edir. Çin tərəfini isə Çin Xalq Respublikası Dövlət Şurasının baş nazirinin müavini He Lifeng təmsil edir. Çinli rəsmi danışıqların ilk günündən sonra mətbuata açıqlama verməyib.