Türkiyədə azərbaycanlıların avtomobili qəzaya düşdü - VİDEO

Türkiyənin İğdır vilayətində Azərbaycanla bağlı ürəkağrıdıcı yol-nəqliyyat hadisəsi baş verib.

Təhlil.az xəbər verir ki, Azərbaycana məxsus dövlət nömrə nişanlı avtomobil yoldan çıxaraq aşıb.

Qəza zamanı maşında olan 5 nəfər azərbaycanlıdan biri həyatını itirib, digər 4 nəfər isə müxtəlif dərəcəli xəsarətlərlə xəstəxanaya yerləşdiriliblər. Hadisə yerinə dərhal təcili yardım və polis əməkdaşları cəlb olunub. Yaralıların vəziyyəti barədə hələlik rəsmi açıqlama verilməyib.

Qəzanın səbəbləri və digər detalların müəyyənləşdirilməsi üçün araşdırmalara başlanılıb.